कांदिवलीत श्री शिव महापुराण कथा
मालाड, ता. १८ (बातमीदार) ः विश्व कल्याण मिशन ट्रस्ट, मुंबई शाखेतर्फे कांदिवली येथे २६ नोव्हेंबर ते ४ डिसेंबरदरम्यान सप्ताह क्रीडा मैदानात शिव महापुराण कथेचे भव्य आयोजन करण्यात आले आहे. आंतरराष्ट्रीय ख्यातीचे शिवकथावाचक पूज्य संत श्री चिन्मयानंद बापूजी आपल्या सुरेल वाणीमध्ये शिवकथा सांगणार आहेत. या कार्यक्रमाला योगगुरू स्वामी रामदेव महाराज, कवी डॉ. कुमार विश्वास यांच्यासह अनेक मान्यवर उपस्थित राहणार आहेत. पहिल्या दिवशी दुपारी १.३० वाजता माता कलश मिरवणूक निघणार असून, दररोज दुपारी ४ ते ७ या वेळेत कथावाचन होईल. कार्यक्रमादरम्यान दररोज विविध सांस्कृतिक सादरीकरणे होणार आहेत. श्लोकम हेल्थकेअरच्या डॉ. मोना चितलिया व श्री शिवशक्ती इन्स्टंट थेरपीचे अनिल जानी मोफत आरोग्य तपासणी शिबिरात सेवा देतील.