शूटिंगबॉल निवड चाचण्या रविवारी
ठाणे, ता. १९ (बातमीदार) : ठाणे जिल्हा शूटिंगबॉल असोसिएशनतर्फे उपज्युनियर (१७ वर्षांखालील), ज्युनियर (१९ वर्षांखालील) आणि सीनियर (मुलं-मुली) गटांसाठी जिल्हास्तरीय निवड चाचण्या रविवारी (ता. २३) सकाळी ९ वाजता होणार आहे. ही चाचणी वागळे इस्टेटमधील कर्मवीर भाऊराव पाटील कॉलेज मैदान येथे पार पडेल.
या उपक्रमाला आमदार निरंजन डावखरे यांचे मार्गदर्शन लाभले असून, ठाण्यातील नवोदित खेळाडूंना राज्यस्तरीय स्पर्धांत संधी मिळावी हा उद्देश आहे. उपाध्यक्ष हिमांशू साळवी व सचिन मोरे यांच्या मार्गदर्शनाखाली आयोजन सुरू आहे. सचिव निखिल प्रवीण शेडगे यांनी शाळा आणि क्रीडा अधिकाऱ्यांशी संपर्क साधून व्यापक सहभागाची तयारी केली आहे. ठाण्यातील समृद्ध शूटिंगबॉल परंपरेला चालना देण्यासाठी सर्व शाळा, प्रशिक्षक आणि खेळाडूंना उत्साहाने सहभागी होण्यासाठी ९८१९६४२१४२ या क्रमांकावर संपर्क साधण्याचे आवाहन केले आहे.