लग्नाच्या प्रलोभनातून लैंगिक अत्याचार
पनवेल, ता.१९ (वार्ताहर): सांगलीत राहणाऱ्या एका तरुणाने तळोज्यातील २७ वर्षीय तरुणीवर लग्नाच्या भूलथापा देत वर्षभर लैंगिक अत्याचार केले आहेत. तळोजा पोलिसांनी या प्रकरणी गुन्हा दाखल केला आहे.
तळोजा येथे राहणारी पिडित तरुणी २०२४ मध्ये सांगली जिल्ह्यात जत येथे गेली होती. यावेळी जत एसटी बस स्टँडवर आरोपी प्रसाद माळीशी ओळख झाली होती. या ओळखीचे प्रेमात रुपांतर आरोपीने पीडितेला लग्नाचे प्रलोभन दाखवले. त्यानंतर अनेकदा पीडितेसोबत शारीरिक संबंध ठेवले होते.
त्यामुळे पीडित तरुणी दीड महिन्यांची गरोदर होती. आरोपीने तिला गर्भपात करण्यास भाग पाडले तसेच लग्नाला स्पष्ट नकार दिला होता. त्यामुळे फसवणूक झाल्याचे लक्षात आल्यानंतर तळोजा पोलिसांकडे लेखी तक्रार दाखल केली.