धारावीमध्ये १८ हजार
घरांची कागदपत्रे जमा
सकाळ वृत्तसेवा
मुंबई, ता. २१ : धारावी पुनर्विकास प्रकल्प आणि एनएमडीपीएलने राबवलेल्या धारावी कागदपत्रे संकलन शिबिराला धारावीतील रहिवाशांनी चांगला प्रतिसाद दिला. १ ते १५ नोव्हेंबर २०२५ या कालावधीत माहिती शिक्षण आणि संवाद (आयईसी) उपक्रमाच्या माध्यमातून पथकांनी १८ हजारांहून अधिक घरांना प्रत्यक्ष भेट देऊन सर्वेक्षण आणि जागरूकता उपक्रम राबवले. सेक्टर १ ते ६ या सर्व भागांत सखोल सर्वेक्षण करण्यात आले.
धारावी कागदपत्रे संकलन शिबिरामुळे प्रत्यक्ष पडताळणीच्या प्रक्रियेचा वेग वाढवला असून, अपात्र ठरलेले अर्ज, बंद घरे, अपूर्ण कागदपत्रे सादर केलेली प्रकरणे, तसेच कुटुंबप्रमुख नसलेली प्रकरणे अशा सुमारे चार हजार ५०० घरांची स्वतंत्र नोंद घेण्यात आली, अशी माहिती डीआरपी आणि एसआरएचे मुख्य कार्यकारी अधिकारी डॉ. महेंद्र कल्याणकर यांनी दिली.
एनएमडीपीएल कॉल सेंटरमधून आठ हजारांहून अधिक रहिवाशांना संपर्क साधण्यात आला. काही ठिकाणचा विरोध सामंजस्याने हाताळण्यात आल्या. प्रक्रियांचे सुलभीकरण, क्षेत्रनिहाय प्रभावी संघटन आणि रहिवाशांच्या समस्या त्यांना प्रत्यक्ष भेट देऊन सोडवल्याने कामाला गती आली आहे, असे डॉ. महेंद्र कल्याणकर यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.