‘महाराजांच्या नावावरून श्रेयवाद नको’
नेरूळ (बातमीदार)ः येथील छत्रपती शिवाजी महाराज चौकातील सिंहासनारूढ पुतळ्याचे लोकार्पण करण्यात आले. या कार्यक्रमाला गैरहजर असलेले
खासदार नरेश म्हस्के यांनी महाराजांच्या नावाचा वापर करून श्रेयवादाची लढाई चुकीची असल्याचे कारण दिले आहे.
छत्रपती शिवाजी महाराज चौकातील पुतळ्याचे लोकार्पण काही महिन्यांपासून रखडले होते. त्यामुळे शिवभक्त, स्थानिक नागरिकांमध्ये नाराजी होती. अखेर मनसे नेते अमित ठाकरे यांनी पुतळ्याचे अनावरण केले होते. या आंदोलनावरून म्हस्के यांनी टिका करताना महाराजांच्या नावावरून कोणताही राजकीय लाभ मिळवण्याचा प्रयत्न होऊ नये. त्यांच्या नावाचा वापर राजकारणासाठी करणे योग्य नसल्याचे कारण देताना गैरहजर राहिल्याचे सांगितले.