दोन शाळांमध्ये स्वच्छता गृह उभारणी
‘वनमाळी ट्रस्ट’ आणि खार गणेश उत्सव मंडळाचा उपक्रम

विक्रमगड, ता. २५ (बातमीदार)ः सामाजिक बांधिलकीची जाण ठेवत ‘वनमाळी अ क्रिएटिव्ह सेवा ट्रस्ट’ आणि खार गणेश उत्सव मंडळातर्फे आदिवासी बहुल ग्रामीण भागातील जिल्हा परिषद शाळा कुयलु आणि नेहालपाडा या शाळेत नवीन स्वच्छतागृहांची उभारणी करण्यात आली. या शाळांना स्वच्छता गृह उपलब्ध करून देत विद्यार्थ्यांच्या आरोग्य, स्वच्छता आणि सुरक्षिततेसाठी महत्त्वाचे पाऊल उचलण्यात आले आहे.
ग्रामीण व आदिवासी भागातील अनेक शाळांमध्ये विद्यार्थ्यांसाठी सुरक्षित व स्वच्छ शौचालयांची समस्या कायम आहे. विद्यार्थ्यांच्या उपस्थितीवर आणि आरोग्यावर त्याचा परिणाम होत असल्याने वनमाळी ट्रस्ट आणि खार गणेश उत्सव मंडळाने या क्षेत्रात हस्तक्षेप करण्याचा निर्णय घेतला. आणि अत्यावश्यक सुविधांनी युक्त स्वच्छता गृह उभारण्याचे काम अल्पावधीत पूर्ण करण्यात आले.
....................
“आदिवासी भागातील मुलांना शिक्षणासोबतच स्वच्छतेच्या मूलभूत सुविधांची गरज होती. हा उपक्रम विद्यार्थ्यांच्या स्वास्थ्यवर्धनासाठी मोठी मदत ठरेल,” असे स्थानिक शिक्षकांनी सांगितले.