सर्वोदयनगर दत्तमंदिरात उत्सव
जोगेश्‍वरी, ता. २६ (बातमीदार) ः जोगेश्वरी पूर्वेतील सर्वोदयनगर मार्गावरील दत्तमंदिरात दत्तजयंती उत्सवाचा शुभारंभ शुक्रवार (ता. २८)पासून होणार आहे. मंदिर परिसरात तयारीचा उत्साह पाहायला मिळत आहे. उद्‌घाटनाच्या दिवशी शुक्रवारी सकाळी ८ वाजता घटस्थापना होणार आहे. त्यानंतर रात्री ८ वाजता कीर्तनाने उत्सवाचा भक्तिमय प्रारंभ होणार आहे. उत्सवानिमित्त आठवडाभर विविध धार्मिक कार्यक्रमांचे आयोजन केले आहे. संपूर्ण आठवडाभर श्री गुरूचरित्र पारायण आयोजित करण्यात आले आहे. सर्व भाविकांनी मोठ्या संख्येने उपस्थित राहून या धार्मिक कार्यक्रमांचा लाभ घ्यावा, असे आवाहन मंदिर व्यवस्थापन समितीने केले आहे.