आंतर महाविद्यालयीन जुडो स्पर्धा उत्‍साहात
मुलींमध्ये तोलानी, मुलांमध्ये प्रकाश महाविद्यालय विजेता
जोगेश्‍वरी, ता. ३ (बातमीदार) ः अंधेरी पूर्वेतील तोलानी महाविद्यालयात मंगळवारी (ता. २) झालेल्‍या सातव्या महाविद्यालयीन जुडो स्पर्धेत मुलींच्या गटात तोलानी महाविद्यालयाने स्‍पर्धा जिंकली, तर मुलींच्या विभागात प्रथम तोलानी महाविद्यालय (अंधेरी), द्वितीय प्रकाश महाविद्यालय (कांदिवली पश्चिम), तृतीय पोद्दार महाविद्यालय विजेते ठरले.
मुलांच्या गटात प्रकाश महाविद्यालय यांनी उत्कृष्ट कामगिरी करत विजेतेपद पटकावले. मुलांच्या विभागात प्रथम प्रकाश महाविद्यालय, द्वितीय डी. जी. रूपारेल महाविद्यालय (माटुंगा पश्चिम), तृतीय हिंदुजा महाविद्यालय (चर्नी रोड) विजेते झाले.
ही स्पर्धा यशस्वी करण्यासाठी महाविद्यालयातील विद्यार्थी, प्राध्यापक व आयोजकांनी मोठे योगदान दिले. तोलानी महाविद्यालयाचे क्रीडा प्रशिक्षक निस्‍सार अहमद यांच्‍या मर्गादर्शनाखाली ही स्‍पर्धा उत्‍साहात पार पडली.