बिग बॉस फिनालेमध्ये खारघरच्या प्रणीत मोरेला विजेता करा
आमदार प्रशांत ठाकूर यांचे नागरिकांना आवाहन
पनवेल ता. ४ ( बातमीदार)ः देशभरात लोकप्रिय असलेल्या ‘बिग बॉस १९’ या हिंदी रिॲलिटी शोचा ग्रँड फिनाले ७ डिसेंबरला होणार आहे. या शोमध्ये प्रणीत मोरे हा या सीझनमधील एकमेव मराठी स्पर्धक असल्यामुळे तसेच तो खारघरचा असल्यामुळे त्यालाच विजयी करण्याचे आवाहन आमदार प्रशांत ठाकूर यांनी नागरिकांना केले आहे.
खारघरच्या प्रणीतने राष्ट्रीय पातळीवर आपला ठसा उमटवला आहे. त्याच्या शांत आणि सकारात्मक खेळामुळे तो सर्वांच्या मनात घर करून बसला आहे. आता अंतिम क्षणी आपण सर्वांनी एकत्र येऊन त्याला विजयी करणे ही आपली जबाबदारी आहे, असे आमदार प्रशांत ठाकूर यांनी प्रणीत मोरेला जिंकवण्याचे आवाहन करताना म्हटले आहे. या खेळात प्रणीतला जिंकवण्यासाठी नागरिकांना मतदान करावे लागणार आहे.