घणसोलीतील तरुणांची चैत्यभूमीवर सेवा
महापरिनिर्वाण दिनानिमित्त अनुयायांना मोफत अन्नाचे वाटप
नवी मुंबई, ता. ७ (वार्ताहर) : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त अभिवादनासाठी देशभरातील लाखो अनुयायी चैत्यभूमीवर आले होते. घणसोलीतील बुद्धिस्ट युथ ऑफ घणसोली सिटी संघटनेने त्यांना मोफत अन्नाचे वाटप केले.
घणसोलीतील बुद्धिस्ट युथ ऑफ घणसोली सिटीच्या स्वयंसेवकांनी भोजन वितरणाचे काम हाताळले. विशेषत: वृद्ध, महिलांसाठी हा उपक्रम दिलासा देणारा ठरला. सेवेचा भाव, सहकार्याची भावना, समर्पित कार्यशैलीमुळे या उपक्रमाचे विविध स्तरांतून कौतुक होत आहे. उपक्रम यशस्वी करण्यासाठी सचिन कटारे, ॲड. स्वप्नील जगताप, संकेत पवार, नरेंद्र नले, संजय कांबळे, स्मिता नले, सायली झेंडे, कविता कांबळे, सायली गायकवाड, रोशनी डोंगरदिवे, रिया कांबळे, मीनाक्षी ढाणके, विराज कांबळे आणि स्पंदन कटारे यांनी महत्त्वाची भूमिका पार पाडली.