नशामुक्त भारत व सायबर गुन्हा जनजागृती कार्यशाळा
कल्याण, ता. ७ (वार्ताहर) : साकेत महाविद्यालय व पोलिस आयुक्तालय यांच्या संयुक्त विद्यमाने अमली पदार्थ विरोधी व सायबर गुन्हा जनजागृती अभियान शुक्रवारी (ता. ५) उत्साहात पार पडले. या कार्यशाळेत कार्यक्रमाचे अध्यक्ष पोलिस उपायुक्त अतुल झेंडे यांनी विद्यार्थ्यांना मार्गदर्शन केले.
आठवड्यातून एकदा तरी विनामोबाईल राहणे हे गरजेचे आहे, असे अतुल झेंडे यांनी म्हटले आहे, तर गौतम बेडकुळे यांनी विद्यार्थ्यांना मार्गदर्शन करताना सांगितले की, नशेच्या आहारी गेलेला व्यक्ती पुन्हा सुधरू शकतो.
या कार्यशाळेत सहाय्यक पोलिस आयुक्त कल्याण घेटे, कोळशेवाडी पोलिस स्थानकाचे पोलिस निरीक्षक गणेश न्यायदे, संभाजी नाईक, साकेत तिवारी, संस्थेच्या सदस्य डॉ. हेमा तिवारी, उपप्राचार्य डॉ. विजू प्रसिना, संस्थेच्या सीईओ शोभा नायर, सनोज कुमार, प्राचार्य विद्याप्रकाश मोरया, स्टडी वेल संस्थेचे अध्यक्ष उमाकांत चौधरी उपस्थित होते. या कार्यशाळेत साकेत महाविद्यालयाच्या राष्ट्रीय सेवा योजनेच्या विद्यार्थ्यांनी नशा मुक्त भारत या विषयावर पथनाट्य सादर करून विद्यार्थ्यांना संदेश दिला. या कार्यक्रमाचे सूत्रसंचालन राष्ट्रीय सेवा योजनेचे प्रकल्प अधिकारी प्रा. संजय चौधरी यांनी केले.