राज्यस्तरीय भजन स्पर्धा उत्साहात
कळवा, ता. ११(बातमीदार) ः संस्कृती परिवार सामाजिक संस्थेतर्फे राज्यस्तरीय भजन स्पर्धा मोठ्या उत्साहात पार पडली. या स्पर्धेत ६० भजन मंडळांनी सहभाग नोंदवला. स्पर्धेची अंतिम फेरी मंगळवारी (ता. ९) डॉ. काशिनाथ घाणेकर नाट्यगृह येथे झाली. अंतिम फेरीत निवडलेल्या मंडळांनी भक्तिभाव, एकसुरता, तालबद्धता आणि विषयाच्या सखोल मांडणीने सभागृह मंत्रमुग्ध केले. या स्पर्धेसाठी परीक्षक म्हणून मुकुंद माराठे, रघुनाथ फडके, प्रदीप चिटणीस आणि मधुरा परांजपे यांनी कार्यभार सांभाळत न्यायपूर्ण आणि निकोप परीक्षण केले. सर्व परीक्षकांनी स्पर्धेतील गुणवत्ता, तयारी आणि तरुण पिढीच्या सहभागाचे कौतुक केले.
विजेती मंडळे
प्रथम पारितोषिक ः श्री कलेश्वरी प्रसादिक भजनी मंडळ, ठाणे
द्वितीय पारितोषिक ः श्री स्थानेश्वर गंगेश्वर भजनी मंडळ
तृतीय पारितोषिक ः अनुपम भक्ती मंडळ