खालापुरामध्ये रस्ते अपघातात दोघांचा मृत्यू
खालापूर, ता. १३ (बातमीदार) ः तालुक्यात दोन वेगवेगळ्या रस्ता अपघातात दोघांचा मृत्यू झाल्याची घटना शुक्रवारी (ता. १२) रात्री घडली. पहिला अपघात हा खालापूर-कर्जत यादरम्यान नावंढे गावाच्या हद्दीत घडला. सावरोली येथील कारखान्यात कामाला असलेला अनिरुद्ध खानविलकर (वय २८ रा पोसरी कर्जत) हा शुक्रवारी रात्री कर्जत येथे दुचाकीवरून घरी जात होता. नावंडे गावाच्या हद्दीत अनिरुद्धचे दुचाकीवरील नियंत्रण सुटल्याने तो झाडावर आदळला. यात अनिरुद्ध जागीच मृत्यू झाला. पुढील तपास सहाय्यक फौजदार राजेंद्र पाटील करत आहेत.
अपघाताची दुसरी घटना सावरोली खारपाडा मार्गावर इसांबे गावाच्या हद्दीत घडली. पांडुरंग ढवाळकर (वय ६७ रा. माजगाव खालापूर) हे शुक्रवारी रात्री इसांबेजवळून पायी जात असताना अनोळखी वाहनाने त्यांना ठोकर दिली. या अपघातात पांडुरंग गंभीर जखमी झाले, मात्र त्यांचा उपचारापूर्वीच मृत्यू झाला. अधिक तपास पोलिस हवालदार एम शेळके करीत आहेत.