हातमाग कारागिरीचे प्रदर्शन

मुंबई : कफ परेड येथील वर्ल्‍ड ट्रेड सेंटरमध्‍ये १८ व १९ डिसेंबरला टाटा ट्रस्‍टचा उपक्रम ‘अंतरन’ या कारागिरी प्रदर्शनाचे आयोजन करण्‍यात आले आहे. या प्रदर्शनामध्‍ये देशातील पिढ्यानपिढ्या चालत आलेल्या कला आणि हस्तकलांचा संपन्‍न वारसा पाहायला मिळणार आहे.
टाटा ट्रस्‍टच्या कला-आधारित उदरनिर्वाह उपक्रमाचा महत्त्वपूर्ण भाग अंतरनद्वारे सादर केल्‍या जाणाऱ्या दोनदिवसीय प्रदर्शनामध्‍ये आसाम, नागालँड, ओडिशा व आंध्र प्रदेशमधील सर्वोत्तम हातमाग कपडे पाहायला मिळणार आहेत. प्रदर्शनामध्‍ये साड्या, दुपट्टे, स्‍टोल्‍स, फॅब्रिक्‍स अशा बाबींचा समावेश आहे. ते देशातील वैविध्‍यपूर्ण कला, परंपरेला प्रशंसित करण्‍यासाठी आणि कारागीर, डिझाइनर्स, ग्राहक व उत्‍साहींना एकत्र करण्‍यासाठी डिझाइन करण्‍यात आले आहेत. यंदाची प्रदर्शनाची थीम ‘थ्रेड्स ऑफ टूमारो’ आहे.
सात छुप्‍या हस्‍तकला विभागांमधील कपड्यांची परंपरा सर्वांचे लक्ष वेधून घेतील. त्यात कॉटन व सिल्‍कमधील विविध तंत्रांचा अनुभव मिळेल. आसामच्‍या कामरूप व नलबारी विभागांमधील रस्टिक कॉटन, एरि सिल्‍क, आकर्षक मलबरी सिल्‍क्‍स, नागालँडचे आकर्षक बॅक-स्‍ट्रॅप विणकाम, ओडिशामधील टसर सिल्‍क व इकत, वेंकगिरीमधील कॉटन, वैविध्‍यपूर्ण सिल्‍क्‍स आणि आंध्र प्रदेशमधील हँड प्रिंटेड कलमकारी कपडे येथे पाहायला मिळणार आहेत.