कविता चंद यांनी केला माउंट विंसन सर

प्रभादेवी : माउंट विंसन (४,८९२ मीटर) हे अंटार्क्टिकातील सर्वात उंच शिखर ४० वर्षीय कविता चंद हिने नुकताच सर केला. ३ डिसेंबरला कविता भारतातून रवाना झाल्या. ४ डिसेंबरच्या सायंकाळी त्या चिलीतील पुंटा अरेनास येथे पोहोचल्या. ७ डिसेंबरच्या दुपारी युनियन ग्लेशियरकडे मार्गक्रमण केले. त्याच दिवशी त्या सुमारे २,१०० मीटर उंचीवर असलेल्या विन्सन बेस कॅम्पमध्ये पोहोचल्या. या मोहिमेचे नेतृत्व मिंग्मा डेव्हिड शेर्पा यांनी केले. भारतीय पथकाला अनुभवी गिर्यारोहक भरत थम्मिनेन यांचे मोलाचे सहकार्य लाभले. त्यांच्या मार्गदर्शनाखाली नऊ सदस्यांच्या भारतीय पथकाने शिखर गाठले.