खोदकामात ‘सोन्याचे मडके’ सापडल्याचा बनाव
व्यावसायिकाला पाच लाखांचा गंडा; दोन महिलांसह चौघांविरुद्ध गुन्हा
अंबरनाथ, ता. २३ (वार्ताहर) : खोदकाम करताना सोन्याचे मडके सापडल्याचे प्रलोभन दाखवून एका व्यावसायिक आणि त्यांच्या मित्राची तब्बल पाच लाख रुपयांची फसवणूक केल्याचा धक्कादायक प्रकार उघडकीस आला आहे. याप्रकरणी शिवाजीनगर पोलिस ठाण्यात दोन महिलांसह चार जणांविरुद्ध फसवणुकीचा गुन्हा दाखल करण्यात आला आहे.
फिर्यादी सुरेश शंकर सूर्यवंशी (३६) हे अंबरनाथमधील खोणी फाटा परिसरात राहतात आणि फूड डिलिव्हरीचा व्यवसाय करतात. आरोपींनी सूर्यवंशी आणि त्यांचे मित्र प्रदीप गुप्ता यांच्याशी संपर्क साधून, ‘‘आम्हाला पोकलेनद्वारे खोदकाम करताना सोन्याने भरलेले मडके सापडले आहे,’’ असा बनाव रचला. आरोपींनी फिर्यादीला काही सोन्याचे मणी दाखवून ते ‘खरे सोने’ असल्याची खात्री पटवून दिली. या प्रलोभनाला बळी पडून सूर्यवंशी आणि त्यांच्या मित्राने आरोपींवर विश्वास ठेवला. त्यानंतर आरोपींनी संगनमत करून सूर्यवंशी यांच्याकडून चार लाख रुपये आणि प्रदीप गुप्ता यांच्याकडून एक लाख रुपये, अशी एकूण पाच लाख रुपयांची रोकड उकळली.
आरोपी फरार
फसवणूक १४ ते १८ नोव्हेंबर २०२५ या कालावधीत अंबरनाथमधील विविध ठिकाणी घडली. पैसे दिल्यानंतर सोन्याचे दागिने बनावट असल्याचे लक्षात येताच फिर्यादीने शिवाजीनगर पोलिस ठाण्यात धाव घेतली. पोलिसांनी याप्रकरणी गुन्हा दाखल केला आहे. सध्या सर्व आरोपी फरार असून, पोलिस त्यांचा शोध घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.