शिवसेनेचे नगराध्यक्ष शिवाजी पार्कवर
सकाळ वृत्तसेवा
मुंबई, ता. २३ ः नुकत्याच झालेल्या नगर परिषद आणि नगर पंचायत निवडणुकांत विजयी झालेल्या शिवसेनेच्या सुमारे ६० नगराध्यक्षांचा उपमुख्यमंत्री एकनाथ शिंदे यांनी आज सत्कार केला. सर्व नगराध्यक्षांनी हा विजय शिवाजी पार्क येथील शिवसेनाप्रमुख बाळासाहेब ठाकरे यांच्या स्मृतिस्थळाला समर्पित केला.
शिवसेनेच्या राज्यातील नवनिर्वाचित नगराध्यक्षांचा आज दादर येथील स्वातंत्र्यवीर सावरकर स्मारकामध्ये उपमुख्यमंत्री एकनाथ शिंदे यांच्या हस्ते सत्कार करण्यात आला. महायुतीने केलेल्या विकासकामांचा हा विजय आहे. राज्यातील लाडक्या बहिणींनी शिवसेनेला भरघोस मतदान केल्याने आम्हाला यश मिळाल्याचे शिंदे यांनी नमूद केले. या वेळी शिवसेनेचे सर्व नेते, मंत्री, आमदार, माजी नगरसेवक, नगराध्यक्ष, पंचायत समिती सदस्य या वेळी उपस्थित होते.