दोन सावकारांना अटक
डायमेकरच्या आत्महत्येप्रकरणी कारवाई
तारापुर, ता. २६ (बातमीदार) ः चिंचणी येथील किशोर दवणे या डायमेकरच्या आत्महत्याप्रकरणी वाणगाव पोलिस ठाण्यात गुन्हा दाखल करण्यात आला होता. पोलिसांनी मंगेश भालचंद्र चुरी (रा. चिंचणी) व तुषार हरेश साळसकर (रा. चिंचणी) यांना ताब्यात घेतले आहे. न्यायालयाने त्यांना २९ तारखेपर्यंत पोलिस कोठडी सुनावल्याची माहिती पोलिससूत्रांनी दिली.
चिंचणी येथील रहिवासी किशोर दवणे यांनी व्यवसायासाठी खासगी सावकारांकडून कर्ज घेतले होते. सातत्याने होणारा मानसिक त्रास, धमक्या व पैशासाठीचा दबाव यामुळे अखेर त्यांनी आत्महत्येचा निर्णय घेतला. या आत्महत्याप्रकरणी वाणगाव पोलिस ठाण्यात गुन्हा दाखल करण्यात आला होता. एकूण पाच खासगी सावकार आरोपी निष्पन्न झाले आहेत. यापैकी मंगेश भालचंद्र चुरी (रा. चिंचणी) व तुषार हरेश साळसकर (रा. चिंचणी) यांना पोलिसांनी ताब्यात घेतले. दरम्यान, उर्वरित आरोपींची चौकशी सुरू असून, तपासाअंती त्यांच्यावरही योग्य ती कारवाई करण्यात येणार असल्याचे वाणगाव पोलिस ठाण्याचे सहाय्यक पोलिस निरीक्षक तुषार पाचपुते यांनी स्पष्ट केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.