ठाकरेंचा उपशाखाप्रमुख काँग्रेसमध्‍ये
मालाड, ता. १० (बातमीदार) ः शिवसेनेचे (उद्धव बाळासाहेब ठाकरे) प्रभाग क्रमांक ४९चे उपशाखाप्रमुख सतीश नाडार यांनी आपल्या समर्थक कार्यकर्त्यांसह काँग्रेसमध्‍ये प्रवेश केला. आमदार असलम शेख यांच्या नेतृत्वाखाली हा पक्षप्रवेश झाला. नाडार यांच्‍या प्रवेशामुळे प्रभाग क्रमांक ४९ मधील काँग्रेस संघटन अधिक मजबूत होईल, असा विश्वास पदाधिकाऱ्यांनी व्यक्त केला. काँग्रेस पक्षाच्या धोरणांवर आणि नेतृत्वावर विश्वास व्यक्त करीत सतीश नाडार यांनी आगामी काळात पक्ष संघटन अधिक बळकट करण्यासाठी काम करण्याचा संकल्प या वेळी केला.