मुलुंडमध्ये शंखशक्तीवर अभ्यासपूर्ण विवेचन
मुलुंड, ता. १० (बातमीदार) : महाराष्ट्र सेवा संघ, मुलुंड यांच्या विज्ञान विभागातर्फे शंखशक्ती या विषयावर एक कार्यक्रम आयोजित करण्यात आला आहे. प्रमुख वक्ते म्हणून शंख संग्राहक व अभ्यासक आनंद भिडे उपस्थित राहणार असून ते शंख विज्ञानाबाबत सखोल मार्गदर्शन करतील. या कार्यक्रमाच्या निमित्ताने उपस्थित नागरिकांना दुर्मिळ शंखसंग्रह पाहण्याची संधीही मिळणार आहे. हा कार्यक्रम शुक्रवारी (ता. ९) सायंकाळी ६ वाजता सेवा संघाच्या सभागृहात आयोजित करण्यात आला असून, प्रवेश मोफत आहे. आयोजकांनी सर्व नागरिकांना उपस्थित राहण्याचे आवाहन केले आहे.