मुंबई, ता. १० : ‘मेट्रोमुळे आम्ही मुंबईकरांचे जीवन गतिमान केले आहे, आता स्वच्छ आणि सुरक्षित मुंबई तसेच मुंबईकरांना ‘इझ ऑफ लिव्हिंग’ देण्याचा आम्ही प्रयत्न करत आहोत. पूर्व उपनगरातच आम्ही ‘एसआरए’च्या माध्यमातून ९१ हजार घरे तयार करू, सर्वांना परवडणारी घरे देऊ आणि मुंबई महानगर क्षेत्रात ग्रोथहब बनवून ३० ते ५० लाख नव्या रोजगार संधी निर्माण करू,’ अशी हमी मुख्यमंत्री देवेंद्र फडणवीस यांनी घाटकोपर येथील प्रचार सभेत दिली.

फडणवीस म्हणाले की, ‘घाटकोपर येथे लोकशाहीर अण्णा भाऊ साठे यांचे स्मारक आम्ही तयार करत आहोत; मात्र त्यासाठी इथल्या कष्टकऱ्यांना विस्थापित होऊ देणार नाही. त्यांना त्याच परिसरात घरे देणार आहोत. शिवसेनाप्रमुख बाळासाहेब ठाकरे यांच्याबरोबर शिवसेना-भाजप युतीने हिंदुत्वाचा हुंकार दिली; मात्र आता भारतविरोधी घोषणा देणाऱ्या रशीद मामू यांना उद्धव ठाकरे आपल्या पक्षात घेत आहेत. म्हणजेच हे लोक अंगावर भगवे कपडे घालून आले तरी ते आता भगवे राहिले नाहीत.