साई पालखी शिर्डीकडे मार्गस्थ

बोईसर (वार्ताहर) : सालवड-बोईसर परिसराच्यावतीने भव्य साई पालखी व पदयात्रा सोहळ्याचे आयोजन करण्यात आले आहे. ही पदयात्रा मंगळवार, दिनांक १३ जानेवारीपासून सुरू झाली असून २० जानेवारी रोजी शिर्डी येथे पोहोचणार आहे.
ही पदयात्रा शिव मंदिर, सालवड येथून प्रारंभ होऊन शिर्डीपर्यंत मार्गक्रमण करणार आहे. या भक्तीमय सोहळ्यात सुमारे २५० पदयात्री सहभागी झाले असून संपूर्ण मार्गावर साईनामाच्या जयघोषाने वातावरण भक्तिरसात न्हाऊन निघाले आहे. या पदयात्रा मंडळाचे अध्यक्ष अमोल मोरे, तर उपाध्यक्ष मनोज ठाकूर आहेत. यावेळी प्रथम साई पालखी उचलण्याचा मान शिवसेना बोईसर शहर प्रमुख अतुल देसाई यांना देण्यात आला. यावेळी उपस्थित भाविकांनी उत्स्फूर्त सहभाग नोंदवला.