वाढीव आरक्षणामुळे पेच
पालघर जिल्हा परिषदेची निवडणूक लांबली
मोखाडा, ता १३ (बातमीदार)ः पालघर जिल्हा परिषदेचा कार्यकाळ संपला आहे. जिल्हा परिषदेत ५७ जागा आहेत. तर ८ तालुक्यातील पंचायत समितीमध्ये ११४ जागा आहेत. मात्र, पालघर जिल्हा परिषद वाढीव आरक्षणामुळे अडचणीत आली आहे.
राज्यातील ५० टक्के पेक्षा जास्त आरक्षण असलेल्या जिल्हा परिषदेच्या निवडणूका न्याय प्रविष्ट आहेत. त्यामध्ये पालघर जिल्हा परिषद देखील आहे. अशातच राज्यातील १२ जिल्ह्यातील जिल्हा परिषद आणि १२५ पंचायत समितीच्या निवडणुकीचे बिगुल वाजले आहे. या जिल्हा परिषद आणि पंचायत समितीसाठी ५ फेब्रुवारीला मतदान होणार असल्याचे निवडणूक आयुक्तांनी पत्रकार परिषदेत जाहीर केले आहे. मात्र, आदिवासी जिल्हा असलेल्या पालघर जिल्हा परीषदेची निवडणूक वाढीव आरक्षणामुळे लांबली आहे. त्यामुळे सर्वच पक्षातील इच्छुक उमेदवारांची धाकधुक वाढली आहे.