विजय महायुतीचाच
मंत्री पंकजा मुंडे यांचा विश्वास
कल्याण, ता. १३ (वार्ताहर) : कोणीही एकत्र आले तरी महापालिका निवडणुकीमध्येही जनता भाजप-शिवसेनेलाच निवडून देईल, असा विश्वास मंत्री आणि भाजपच्या राष्ट्रीय सचिव पंकजा मुंडे यांनी कल्याणात येथे व्यक्त केला.
कल्याण पश्चिमेतील महायुतीच्या उमेदवारांच्या प्रचारासाठी परदेशी मैदानात सभा झाली. त्यावेळी त्या बोलत होत्या. यावेळी माजी आमदार नरेंद्र पवार यांच्यासह इतर अनेक पदाधिकारी आणि कार्यकर्ते उपस्थित होते. कल्याण-डोंबिवली महापालिका निवडुकीत शिवसेना-भाजप महायुतीचे २१ उमेदवार बिनविरोध निवडून आल्याचा धागा पकडत त्यांनी सांगितले की इतक्या मोठ्या संख्येने आपले नगरसेवक निवडून आले आहेत. त्यामुळे महापालिकेची निवडणूकही आम्हीच जिंकणार. याबाबत कोणाच्या मनात काही शंका असू नये, असे त्यांनी सांगितले.