नवी मुंबई (वार्ताहर) : चेन स्नॅचिंग करणाऱ्याने रविवारी (ता. १८) भरदुपारी कोपरखैरणे सेक्टर-१४ मध्ये रस्त्याने पायी जाणाऱ्या विवाहितेवर हल्ला करून तिच्या गळ्यातील ७० हजारांचे मंगळसूत्र खेचून पलायन केले. कोपरखैरणे पोलिसांनी चोरीचा गुन्हा दाखल केला आहे. सविता पाचारणे (वय ३६) या घणसोली सेक्टर-४ मध्ये राहण्यास आहेत. रविवारी दुपारी त्या कामानिमित्त कोपरखैरणे येथे आली होत्या. दुपारी त्या कोपरखैरणे सेक्टर-१४ मधील रिवेरिया सोसायटीसमोरील रस्त्यावरून चालताना, मोटारसायकलवरून हेल्मेट घालून आलेल्या एका लुटारूने त्यांच्या गळ्यावर जोरात फटका मारून पाच ग्रॅमचे मंगळसूत्र खेचून पलायन केले. त्यांच्या गळ्यावर जखम झाल्याने त्यांना रुग्णालयात दाखल करण्यात आले.