पेण येथे कार्यकर्ता प्रशिक्षण शिबिर
पेण, ता. २ (वार्ताहर) : भारतीय बौद्ध महासभा जिल्हा रायगड उत्तर अंतर्गत क्रांतीनगर येथे कार्यकर्ता प्रशिक्षण शिबिर पार पडले.
बौद्ध महासभा शाखा व श्रमण बुद्ध विहार कमेटी आणि ग्रामस्थ यांच्या वतीने या शिबिराचे आयोजन करण्यात आले होते. जिल्हाध्यक्ष सुशील वाघमारे आणि तालुकाध्यक्ष चंद्रकांत सोनावणे यांच्या अध्यक्षतेखाली हे शिबिर झाले. यावेळी बोलताना चंद्रकांत सोनावणे यांनी संघटनेच्या ध्येयधोरणाची माहिती युवा पिढीला होणे गरजेचे असल्याने कार्यकर्त्याला प्रशिक्षण दिले जाते, असे सांगितले. या शिबिराला जिल्हा सरचिटणीस प्रकाश सोनावळे, संघटक मारुती शिंदे, सिद्धार्थ गायकवाड, प्रा. एल. एन. कुमारे, पांडुरंग जाधव, प्रवचनकार राजेंद्र बावस्कर आदींसह संघटनेचे पदाधिकारी, कार्यकर्ते मोठ्या संख्येने उपस्थित होते.