डॉ. वा. शं. मटकर संगीत विद्यालयाला विशारद परीक्षेची मान्यता

घाटकोपर, ता. ४ (बातमीदार) : विक्रोळीतील विद्याविकास एज्युकेशन सोसायटी या शिक्षण संस्थेच्या अंतर्गत गेली ४३ वर्षे सातत्याने कार्यरत असलेल्या डॉ. वामन शंकर मटकर संगीत विद्यालयाला मुंबईच्या अखिल भारतीय गांधर्व महाविद्यालय मंडळाकडून विशारद परीक्षेसाठी मान्यताप्राप्त केंद्राचा दर्जा देण्यात आला आहे. २०२५-२६ या शैक्षणिक वर्षासाठी एप्रिल/मे २०२६ सत्रापासून विशारद पूर्ण स्तरापर्यंत परीक्षा घेण्याची परवानगी विद्यालयाला देण्यात आली आहे. या मान्यतेमुळे संगीत शिक्षण व कला क्षेत्रात विद्यालयाची शैक्षणिक गुणवत्ता, शिस्तबद्ध कार्यपद्धती व विश्वासार्हता अधोरेखित झाली आहे.