रेवदंडा येथे गजानन महाराज प्रगट दिवस साजरा
रेवदंडा, ता. ८ (बातमीदार) ः अलिबाग तालुक्यातील नागाव बंदरावर अवधूत आठवले यांच्या सभागृहात श्री गजानन महाराज भक्त परिवारातर्फे रविवारी (ता. ८) श्री गजानन महाराज यांचा प्रगटदिन साजरा करण्यात आला. या वेळी विविध सांस्कृतिक कार्यक्रमांचे आयोजन करण्यात आले होते. सकाळी गजानन महाराज यांच्या प्रतिमेचे पूजन व धार्मिक विधी करण्यात आले. त्यानंतर सत्यनारायणाची पूजा पार पडली. हभप मंदार गोखले यांच्या सुश्राव्य कीर्तनाने कार्यक्रमाची सांगता झाली. पंचक्रोशीतील नागरिकांनी दर्शनाचा लाभ घेतला. चौल-रेवदंडामध्ये काही ठिकाणी पारायण व अन्य धार्मिक विधींचे आयोजन करण्यात आले होते.
रेवदंडा-बातमीदार