विक्रमगड : विक्रमगड-मनोर मार्गावरील केव फाटा जवळ हायवा(ट्रक)-बस एकमेकांना धडकून भिषण अपघात झाला. या अपघातात पंधरा प्रवासी गंभीर जखमी झाले. तर दोन मुलांचा मृत्यू झाला. मनोर कडून विक्रमगड कडे जाणारी हायवा तर विक्रमगड कडून मनोर कडे जाणारी पालघर-शिर्डी बस केव फाटा येथे समोरासमोर धडक बसल्याने हा अपघात झाला.

पालघर-शिर्डी बस व हायवा(ट्रक) दुपारी 1.30 च्या सुमारास मनोर-विक्रमगड मार्गावरील केव फाटा जवळ वळणावर एकमेकांना धडकल्या. यात 15 प्रवासी गंभीर जख्मी झाले असुन. जखमींना स्थानिकांनी बसमधून बाहेर काढून मनोर ग्रामीण रुग्णालयात दाखल केले आहे.

जखमींवर मनोर ग्रामीण रुग्णालयात उपचार सुरू असून, अनेक प्रवासी गंभीर जख्मी आहेत. तर हा अपघात इतका गंभीर होता की या अपघातात बसची केबीन व एक बाजू चक्का-चूर झाली आहे.

केव फाटा व आसपासच्या वाकणात अनेक अपघात झाले आहेत. या मार्गांवर मोठ्या प्रमाणात दगडी खदाणी व क्रेशर असल्याने या मार्गावर रात्र न दिवस निष्काळजी पणे लोंडिंगच्या हायवा चालवल्या जातात.. त्यामुळे या मार्गांवर अनेक अपघात झाले आहेत. या बाबत अनेक वेळा पोलीसाना निवेदन देऊन ही पोलीस कुठलीही दखल घेत नाहीत.

- ज्ञानेश्वर पाटील (जिल्हा अध्यक्ष रस्ते आस्थापना, मनसे)