मुंबई : पश्चिम रेल्वेच्या (Western Railway) खार-गोरेगावदरम्यानच्या सहाव्या मार्गिकेच्या बांधकामासाठी ब्लॉक घेण्यात आला आहे. परिणामी, २७ ऑक्टोबर ते ६ नोव्हेंबरपर्यंत लोकलच्या (Local Railway) तब्बल दोन हजार ५२५ फेऱ्या रद्द करण्यात आल्या आहेत. त्यामुळे पश्चिम रेल्वेच्या प्रवाशांना ११ दिवस लोकलमध्ये गर्दीचा सामना करावा लागणार आहे.

लोकलची गती आणि क्षमता वाढवण्यासाठी लांब पल्ल्याच्या मेल-एक्स्प्रेससाठी स्वतंत्र मार्गिका उभारण्यात येत आहे. खार ते गोरेगावदरम्यान ८.८ किमीची मार्गिका उभारण्याचे काम पश्चिम रेल्वेने हाती घेतले आहे. त्यासाठी २९ दिवसांचा ब्लॉक घेण्यात आला आहे. त्यामुळे २७ ऑक्टोबर ते ६ नोव्हेंबरदरम्यान लोकलच्या तब्बल २,५२५ फेऱ्या रद्द करण्यात आल्या आहेत.

विशेष म्हणजे, शनिवारपासून दररोज दिवसाला २५० पेक्षा जास्त लोकल रद्द करण्यात आल्या आहेत. परिणामी, प्रवाशांना मोठ्या गर्दीचा सामना करावा लागणार आहे. बोरिवली-विरारकडे जाणाऱ्या एक हजार २७१ आणि चर्चगेट दिशेकडील एक हजार २५४ लोकल रद्द केल्या गेल्या आहेत. त्याशिवाय लांब पल्ल्याच्या ४३ एक्स्प्रेसही रद्द राहणार असून अनेक गाड्या विलंबाने धावणार आहेत. १८८ गाड्या शॉर्ट टर्मिनेट केल्या जाणार आहेत.

कोणत्या दिवशी किती लोकल रद्द

तारीख एकूण फेऱ्या

• - २७ ऑक्टोबर २५६

• - २८ ऑक्टोबर २५६

• - २९ ऑक्टोबर २३०

• - ३० ऑक्टोबर ३१६

• - ३१ ऑक्टोबर ३१६

• - १ नोव्हेंबर ३१६

• - २ नोव्हेंबर ३१६

• - ३ नोव्हेंबर ३१६

• - ४ नोव्हेंबर ९३

• - ५ नोव्हेंबर ११०