मुंबई : राज्यात लवकरच विधानसभा निवडणुका लागणार आहेत. या निवडणुका जिंकून आपलं सरकार आल्यास राज्यातील प्रत्येक जिल्ह्यात छत्रपती शिवाजी महाराज यांचं मंदीर बांधणार आहोत, अशी घोषणा शिवसेना नेते उद्धव ठाकरे यांनी केली आहे.

उद्धव ठाकरे म्हणाले, "महाराजांचं मंदिर प्रत्येक राज्यात उभारलं पाहिजे. मोदी आणि शिंदेंना महाराज‌ फक्त मतांचं मशीन मानतात. महाराज म्हणजे ईव्हीएम मशीन नाही. पण आपलं सरकार आल्यास प्रत्येक जिल्ह्यात शिवाजी महाराज यांचं मंदीर बांधणार. कोणाला याला विरोध करायचा असेल त्यांनी करावा, महाराष्ट्रातील जनता त्यांना बघून घेईल"

भागवतांबद्दल, संघाबद्दल मला आदर आहे. पण तुम्ही जे बोलता आणि जे करता आहात त्याबद्दल मला आदर नाही. त्यामुळं आता भाजपला खांदा ‌द्यावा लागेल. यांची प्रवृत्ती संपवावी लागेल. महाराजांचा पुतळा उभारण्यात पैसे खाल्ले. आपलं सरकार आल्यावर छत्रपती शिवाजी महाराजांचं ‌मंदीर प्रत्येक जिल्ह्यात बांधणार आहोत.