Uddhav Thackeray Dasara Melava: शिवसेनेच्या दसरा मेळाव्यात उद्धव ठाकरे यांनी महायुती सरकारवर जोरदार टीका केली. गायीला राज्यमातेचा दर्जा दिल्यावरुन ठाकरेंनी शिंदेंवर जोरदार टीका केली. तसंच गोरक्षकांवरही ते बरसले.

राज्य माता गाय झाली आहे. मराठी अभिजात भाषा झाली पण भाषेची काय स्थिती आहे. गाय आता माता झाली तर तिचा हंबरडा काय राज्य भाषा होणार आहे का? पण महिलांवरच्या अत्याचाराचे हंबरडे तुम्हाला ऐकू येत नाही का? आधी आईची रक्षा करा मग गाईला माता बनवा. हरियाणात एकाला गोमांस तस्करी प्रकरणी मारलं, त्याचं नाव आर्यन शर्मा होतं. त्याची बातमी कुठे आली नाही.

पण आर्यन खान नाव असतं तर हिंदुत्व खतरे मे असं म्हणाले असते. किरण रिजूजू मी गोमांस खातो ‌म्हणतात. मग मोदी त्यांच्यावर कारवाई करणार का?, अशा शब्दांत उद्धव ठाकरेंनी सरकारवर आणि कथित गोरक्षकांवर सडकून टीका केली.