Uddhav Thackeray:  दक्षिण मुंबईमध्ये अनिल देसाई यांच्या प्रचारासाठी उद्धव ठाकरे यांनी जाहीर सभा घेतली. यावेळी त्यांनी पंतप्रधान नरेंद्र मोदी, अमित शाह आणि देवेंद्र फडणवीस यांच्यावर हल्लाबोल केला. आदित्यला मुख्यमंत्री करतो, अडीच वर्षानंतर मी वरते जाणार म्हणजे दिल्लीत जाणार, असं फडवीस यांनी म्हटले होते, असा दावा देखील उद्धव ठाकरे यांनी केला. ते वडाळा अँटाप येथील सभेत बोलत होते.

मी देवेंद्र फडणवीसांचं बिंग फोडल्यामुळे ते चरफडले आणि भरकटले. मी भ्रमिष्ट आहे की नाही हे जनता ठरवेल. देवेंद्र फडणवीसांनी जनाची नाही तर मनाची ठेवावी, लाज लज्जा सोडलेला कोडगा माणूस आहे, अशी टीका उद्धव ठाकरे यांनी केली.

"अमित शाह बाळासाहेबांच्या खोलीत नाक रगडायला आले होते. अमित शाहांनी तुम्हाला (देवेंद्र फडणवीस) बाहेर बसवलं होतं. तू बाहेर बस म्हणून अमित शाह यांनी म्हटलं. तुम्हाला तुमच्या नेत्यांनी बाहेर बसवलं. आज तुम्हाला त्या खोलीचं महत्व माहिती नाही, आमच्यासाठी ते मंदिर आहे अन् तुम्ही त्याला कुठलीतरी खोली म्हणता. तुम्ही नालायक माणसं, कुठलीतरी खोली म्हणता", अशी टीका उद्धव ठाकरे म्हणाले.

उद्धव ठाकरे म्हणाले, "देवेंद्र फडणवीसांना विचाराची खोलीच तेवढी आहे. उथठ विचाराचे तुम्ही आहात. आज जे तुमच्या विरुद्ध रान पेटले ते तुम्हाला वाचवचा येत नाही. अशोक चव्हाण यांना त्यांच्या गावात देखील येऊ दिले जात नाही."

मुंबई रक्त सांडून कमावली आहे. ही मुंबई आर्थिक राजधानी असल्यामुळे मोदी शाहांच्या़ पोटात दुखतं. महाराष्ट्राच्या तोंडातला घास काढून गुजरातला भरवू देणार नाही. मोदींना देखील गुजरातला परत पाठवू...., असे उद्धव ठाकरे म्हणाले.

मुंबई मोदी शाह यांच्या मित्राने मुंबईल लुटली. अहमदाबाद आर्थिक राजधानी व्हावी, असं मोदी शाहांना वाटतं. एमएआरडीए मुंबई मनपातून ३००० कोटी रुपये मेट्रो कंत्राटदाराला देतंय. एमएआरडीएकडून मिंधे सरकार बीएमसी लुटतंय, तर आम्ही एमएआरडीए रद्द करु, असे ठाकरे म्हणाले.