मुंबई : विद्यापीठ अनुदान आयोगाने (यूजीसी) दिलेल्या आदेशानुसार सर्व विद्यापीठांनी शैक्षणिक कॅलेंडर महाविद्यालयांना कळवणे आवश्‍यक असते. त्यानुसार 90 दिवसात अभ्यासक्रम पूर्ण करुन परीक्षांचे आयोजन करायचे असते. मात्र मुंबई विद्यापीठाने शैक्षणिक कॅलेंडरबाबत कोणतीही माहिती महाविद्यालयांना न देताच प्रथम वर्षाच्या परिक्षांचे आयोजन केल्याचा आरोप केला आहे. या निर्णयामुळे विद्यार्थ्यांचे शैक्षणिक नुकसान होण्याची भिती असल्याने परीक्षा पुढे ढकलण्यात याव्यात, अशी मागणी प्राध्यापकांच्या बुक्‍टू संघटनेने केली आहे.

महत्त्वाची बातमी : मुंबई पालिकेच्या कस्तुरबा रुग्णालयात दिवसाला फक्त 8 नवीन रुग्ण

कोरोना महामारीमुळे सर्व परीक्षा आणि वर्ग ऑनलाइन घेण्याचा निर्णय घेण्यात आला. त्याप्रमाणे पदवी अभ्यासक्रमाच्या पहिल्या वर्षाचे प्रवेश झाले असून महाविद्यालयांनी ऑनलाइन वर्ग सुरु केले आहेत. मात्र हे वर्ग कसे सुरु करायचे आणि विद्यार्थ्यांचे सर्व प्रवेश योग्यरित्या झाले की नाही, यासंदर्भातील कोणतीही विचारपूस मुंबई विद्यापीठाने महाविद्यालयांकडे केलेली नाही. यूजीसीकडून नव्या शैक्षणिक  कॅलेंडरची घोषणा करण्यात आली. मात्र मुंबई विद्यापीठाने आपल्या नव्या शैक्षणिक वर्षाच्या कॅलेंडर संदर्भात कोणतीही माहिती महाविद्यालयांना कळवली नाही.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai 

मात्र प्रथम वर्षाच्या परीक्षा घेण्याचे आदेश महाविद्यालयांना दिले, महाविद्यालयांनी 90 दिवसात अभ्यासक्रम पूर्ण करायचा असून त्यानंतर परिक्षाचे आयोजन करण्याचा यूजीसीचा नियम आहे. मात्र त्या नियमाचे उल्लंघन करून 90 दिवसांच्या आधीच परीक्षा घेण्याचे आदेश विद्यापीठाने महाविद्यालयांना दिले आहेत. त्यामुळे यूजीसीच्या नियमांचे मुंबई विद्यापीठ उल्लंघन करत असल्यामुळे प्राध्यापक संघटना आक्रमक झाली आहे. विद्यार्थ्यांच्या हितासाठी या परीक्षा पुढे ढकलण्याची मागणी बुक्‍टू संघटनेकडून करण्यात आली आहे. त्याचप्रमाणे राज्यपाल भगतसिंग कोश्‍यारी यांनी या प्रश्‍नी लक्ष देण्याची मागणी देखील केली आहे.

university of mumbai not following norms of university grant commission allegation of buktu organization