मुंबई : वडाळा-सीएसएमटी लोकल सीएसएमटी रेल्वे स्थानकात रुळावरुन घसरल्याची घटना घडली आहे. तीन दिवसात दुसऱ्यांना ही घटना घडल्यानं खळबळ उडाली आहे. चाचणीदरम्यान ही घटना घडल्याचं सांगितलं जात आहे. (Vadala CSMT Local train derailment at CSMT station due to trial second incident in a row in three days)

परवा ट्रेनच्या चाचणीदरम्यान लोकल ट्रेन रुळावरुन घसरली होती. या घटनेत सुधारणा करण्यासाठी पुन्हा आज चाचणी घेण्यात आली. यावेळी एका रिकाम्या ट्रेनची चाचणी सुरु होती. पण सुरुवातीचा रुळाचा जो दोष होता तो पूर्णपणे निघू शकला नाही. त्यामुळं पुन्हा चाचणीदरम्यान रेल्वे रुळावरुन घसरली. (Latest Marathi News)

नेमकं काय घडलं?

आज सकाळपासून ही चाचणी घेतली जात होती. ही चाचणी रात्रीच्या वेळी करता येत नाही कारण त्याचा परिणाम हा दिवसाच कळतो. ट्रॅकवर कुठे दबाव येतो हे दिवसाच कळू शकते, हीच बाब तपासताना चाचणी घेण्यात येणारी लोकलचा डबा हा रुळावरुन घसरला. त्यामुळं आजची चाचणी ही यशस्वी होऊ शकलेली नाही, अशी माहिती मध्य रेल्वेचे जनसंपर्क अधिकारी स्वप्नील नीला यांनी दिली. (Marathi Tajya Batmya)