डोंबिवली - वाडी ग्रामपंचायतीचे सरपंच तुषार पाटील यांना भाजपच्या कार्यालयात बेदम मारहाण केल्याची घटना घडली आहे. जिल्हा परिषद सदस्य आणि भाजप पदाधिकारी श्याम पाटील यांच्या कार्यालयात मारहाण झाल्याने ग्रामीण भागात एकच खळबळ उडाली आहे.
सरपंच तुषार पाटील यांच्यासह त्यांचे बंधू बिपीन पाटील व वडील मधुसूदन पाटील यांना देखील मारहाण करण्यात आली आहे. याप्रकरणी हिललाईन पोलीसांनी मारहाण करणाऱ्यांवर गुन्हे दाखल केले असून पुढील तपास चालू केला आहे.
मलंगवाडी ग्रामपंचायतीचे उपसरपंच निवडीसाठी मिटींग चालु असताना फिर्यादी व आरोपीत यांचे आपापसात मतभेद झाले. या मतभेदाचे रूपांतर पुढे हाणामारीत झाले. यावेळी आरोपी प्रतीक भोलानाथ पाटील, चेतन भोलानाथ पाटील,
विकी भोलानाथ पाटील, शिवाजी पाटील आणि सुनिल चौधरी यांनी शिवीगाळ करत सरपंच तुषार पाटील यांसह त्यांचे बंधू बिपीन पाटील व वडील मधुसूदन पाटील यांना बेदम मारहाण केली. हे प्रकरण अखेर हिललाईन पोलीस ठाण्यात पोहोचले. पोलिसांनी फिर्यादी तुषार यांची तक्रार घेत गुन्हा दाखल केला.
पोलिसांनी दिलेल्या माहितीनुसार गैरकायदयाची मंडळी जमवुन फिर्यादी यांना शिवीगाळी व दमदाठी करून ठोशा बुक्क्यांनी मारहाण केली. तसेच फिर्यादी यांचे वडिल मधुसुदन पाटील, भाऊ बिपीन पाटील यांना देखील ठोशा बुक्क्यांनी मारहाण केली आहे.
गैरकायदयाची मंडळी जमा करत मारहाण केल्याप्रकरणी 5 जणांविरुद्ध गुन्हा दाखल करण्यात आला आहे. दरम्यान जिल्हा परिषद सदस्य आणि भाजप पदाधिकारी श्याम पाटील यांच्या कार्यालयात हा प्रकार घडल्याने याची जोरदार चर्चा सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.