अंधेरी : दिल्लीतील व्यावसायिकाला 200 कोटी रुपयांचे कर्ज मिळवून देण्याचे प्रलोभन दाखवून 20 लाखांचा गंडा घालणाऱ्या बनावट वित्तसंस्थेचा 54 वर्षीय संचालक अजय रामस्वरूप यादव याला अंधेरी येथून अटक करण्यात आली आहे. चित्रपट बनवण्यासाठी त्याने ही फसवणूक केल्याचे उघड झाले आहे.
दिल्लीतील साईनाथ स्पिरिट कंपनीला व्यवसाय वाढवण्यासाठी 200 कोटी रुपयांची गरज होती. या कंपनीने अग्लो एंटरप्रायझेस या खासगी फायनान्स कंपनीशी संपर्क साधला. त्यावेळी यादव याने प्रक्रिया शुल्क म्हणून 20 लाख रुपयांची मागणी केली. त्यानुसार या कंपनीने आरटीजीएस प्रणालीद्वारे एका बॅंकेत जमा केलेले 20 लाख रुपये यादव याने तत्काळ काढून घेतले.
त्यानंतर कर्ज मिळवण्यासाठी या कंपनीमार्फत वारंवार यादव याच्याशी संपर्क साधला जात होता; परंतु यादव दाद देत नसल्यामुळे कंपनीच्या वतीने पोलिस ठाण्यात गुन्हा दाखल करण्यात आला. त्यानुसार मुंबई पोलिसांच्या गुन्हे शाखेने यादव याला अटक केली असून, आणखी काही जणांना अटक होण्याची शक्यता आहे. आपण चित्रपट व वेब मालिकांचे निर्माता असल्याचा आणि त्यानंतर पर्सनल फायनान्स व्यवसाय सुरू केल्याचा यादव याचा दावा आहे.
Wanted 200 crore loan .. lost 20 lakh
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.