ठाणे : ठाणे महानगरपालिकेच्या टेमघर जलशुद्धीकरण केंद्र येथील सबस्टेशनमधील दुरुस्तीचे काम येत्या शनिवारी करण्यात येणार आहे. यामुळे शनिवारी 6 जूनला ठाणे शहराचा पाणी पुरवठा चोवीस तास बंद रहाणार आहे.
पावसाळ्यापूर्वी सबस्टेशनमधील ट्रान्सफार्मरचे ऑईल फिल्टेशन करणे, ठाणे महानगरपालिकेच्या मुख्य जलवाहिनीवर असलेली क्रॉस कनेक्शनवर होत असलेली गळती थांबविणे, तसेच टेमघर जलशुध्दीकरण केंद्रात मुख्य जलवाहिनीवर असलेल्या झिरोवेलासिटी वॉलमधून होणारी गळती थांबविणे इत्यादी कामे करण्यात येणार आहे.
यासाठी शनिवारी सकाळी 9 ते रविवारी सकाळी 9 वाजेपर्यंत घोडबंदर रोड, पातलीपाडा, पवारनगर, कोठारी कंपाऊंड, गांधीनगर, जॉन्सन, इटरनिटी, समतानगर, ऋतूपार्क,सिध्देश्वर, जेल, साकेत, उथळसर, रेतीबंदर, मुंब्रा-कोळीवाडा, शैलेशनगर, संजयनगर, कळव्याचा काही भागाचा पाणी पुरवठा बंद रहाणार आहे. नागरिकांनी योग्य पाणीसाठा करुन ठेवावा असे आवाहन महापालिका पाणीपुरवठा विभागाकडून करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.