मुंबई: साकीनाका (Sakinaka) बलात्कार पीडितेच्या मृत्यूनंतर (sakinaka rape case) भाजपाच्या महिला उपाध्यक्ष चित्रा वाघ (Chitra wagh) यांनी संताप व्यक्त केला आहे. "हा आमचा दोष आहे. आम्ही भाषण आणि घोषणा करण्यापलीकडे काही करू शकलो नाही. आम्ही कोणाला वाचवू शकत नाही" अशा शब्दात चित्रा वाघ यांनी संताप व्यक्त केला आहे.

"ज्या प्रमाणे अत्याचार झाला हे एका माणसाचं काम नाही. मला लाज वाटते हे बोलायला. शक्ती कायदा आणार होते, त्याचं काय झालं?" असा सवाल चित्रा वाघ यांनी विचारला आहे. "काय करतय हे सरकार. सरकारने यावर उत्तर द्यायला हवं. तुम्हाला हे दिसत नाही का? कायदा व सुव्यवस्थेचे इतके धिंडवडे निघाले आहेत" असे चित्रा वाघ म्हणाल्या.

मुंबईच्या महापौर किशोरी पेडणेकर यांच्या वक्तव्यावर त्या म्हणाल्या की, "पुरुषांची मानसिकता निष्ठूर बनत चालली आहे. मग ते बदलण्याचं काम कोणाचं आहे? सरकार म्हणून तुमची काही जबाबदारी आहे की नाही? मानसिकता बदलण्यासाठी आम्ही तुमच्या सोबत आहोत पण तुम्ही काय करताय?" असा सवाल त्यांनी विचारला.

गुन्ह्याची वेळ

८ च्या सुमारास ही महिला साकीनाका येथील बहिणीच्या घरी गणपती येणार असल्याने त्याच्या दर्शनासाठी घराबाहेर पडली.

घरातल्यांकडून रात्री बाहेर पडण्यास विरोध असतानाही तिने ऐकले नाही.

मध्यरात्री २ :१५ गुरूवारी च्या सुमारास महिलेचं आरोपी मोहन चौहान याच्यासोबत एस जे स्टुडिओ बाहेर वाद झाला.

मध्यरात्री २:३० च्या सुमारास आरोपीने चाकूच्या धाकावर पीडित महिलेसोबत जबरदस्ती करण्यास सुरूवात केली.

रस्त्यावरील विजेच्याखांबावरील लाईट बंद असल्यानेअंधाराचा फायदा घेत आरोपीने हे अत्याचार केले.रात्रीची वेळ असल्याने रस्त्यावरही कुणी नव्हतं

मध्यरात्री २:५५ वा महिला ऐकत नाही म्हणून मोहनने तिला मारहाण केली व तिला टेम्पोत ढकललं

रात्री २:४५ मिनिटांत आरोपीने महिलेवर अनैसर्गिक अत्याचार केले.

मध्यरात्री २:५० च्या सुमारास आरोपीने अत्याचार केल्यानंतर महिलेवर राग अनावर झाल्याने आरोपीने तिक्ष्ण हत्याराने महिलेच्या गुप्तांगावर जखमा केल्या

महिला रक्ताच्या थारोळ्यात टेम्पोत पडलेली असताना आरोपीने ३ वा पळ काढला

मदतीसाठी महिला आरडा ओरड करत असल्याचा आवाज रात्रपाळीवर असलेल्या सुरक्षा रक्षकाने ऐकून ३:०० वा. पोलिस नियंत्रण कक्षाला कळवले.

३.१५ मिनिटांनी पोलिस घटनास्थळी दाखल झाले

३:२० रुग्णवाहिकेची वाट न पाहता पोलिसांनी तिला टेम्पोतूनच राजावाडी रुग्णालयात नेले

४ ते ५ च्या सुमारात पोलिसांनी गुप्त माहितीदाराच्या आधारे मोहनला परिसरातूनच ताब्यात घेतले.

शुक्रवारी दुपारी १ वा १३ मिनिटांनी गुन्हा दखल करून पोलिसांनीमोहनला अटक केली