डोंबिवली : पंतप्रधान नरेंद्र मोदी यांची महायुतीचे उमेदवार कपिल पाटील आणि श्रीकांत शिंदे यांच्यासाठी कल्याण येथे प्रचार सभा होणार आहे. या सभेत व्यासपीठावर आपल्याला मान दिला नाही असे सांगत शिवसैनिक अरविंद मोरे नाराज झाले आहेत. त्यांच्या राजीनामा नाट्यामुळे कल्याण लोकसभा मतदारसंघात पुन्हा एकदा शिवसेना आणि भाजपमध्ये नाराजीचे नाट्य पाहायला मिळत आहे.
बुधवारी कल्याण येथे पंतप्रधान नरेंद्र मोदी यांच्या जाहीर प्रचार सभेचे आयोजन करण्यात आले आहे. या सभेत व्यासपीठावर आपल्याला मान दिला नाही असे सांगत शिवसैनिक अरविंद मोरे यांनी आपली नाराजी व्यक्त केली आहे. मुख्यमंत्री एकनाथ शिंदे यांच्याकडे आपण आपल्या पदाचा राजीनामा शिंदे यांच्याकडे पाठविणार असल्याचे त्यांनी तोंडी सांगितले आहे.
मोरे यांची जिल्हाप्रमुख म्हणून पक्षात नियुक्ती आहे. आमच्या हाताखाली आमदार, यांच्यासह इतर पदाधिकारी देखील काम करतात. यांना व्यासपीठावर जागा देण्यात आली. मात्र आम्ही काम करून सुद्धा आम्हाला व्यासपीठावर जागा देण्यात आली नाही. मग या पदाचा काय फायदा? मी एकनाथ शिंदे यांच्याकडे माझा राजीनामा दिला आहे असे मोरे यांनी यावेळी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.