कल्याण : कल्याण पश्चिममधील आधारवाडी डम्पिंग ग्राऊंडला आज दुपारी दीडच्या सुमारास आग लागल्याची घटना घडली. या आगीतून धुराचे लोण कल्याण पश्चिममधील अनेक भागात पसरल्याने नागरिकांची श्वासकोंडी झाली. सतत लागणाऱ्या आगीमुळे आधारवाडी डम्पिंग ग्राऊंड पुन्हा एकदा चर्चेत आले असून, ये आग कब बुझेगी? असा सवाल कल्याणकर करीत आहेत.
कल्याण-डोंबिवली महापालिका हद्दीमधील प्रतिदिन 650 टन कचरा आधारवाडी डम्पिंग ग्राऊंडमध्ये टाकला जातो. या डम्पिंगची साठवण क्षमता संपली असली तरी पालिकेकडून सर्रास येथे कचरा टाकणे सुरूच आहे. त्यामुळे याठिकाणी कचऱ्याचे डोंगर निर्माण झाले आहेत. त्यातच बुधवारी (ता. 29) दुपारी 1 वाजून 20 मिनिटानी डम्पिंग ग्राऊंडवरील कचऱ्याने पेट घेतला. हवेमुळे ही आग वाढत गेल्याने परिसरात धूरच धूर झाला होता.
या धुराचे लोण शिवाजी चौक, आग्रा रोड, आधारवाडी, खडकपाडा, टिळक चौक आदी परिसरात पसरले होते. अनेकांना श्वास घेण्यास त्रास झाला तर अनेकांचे डोळे चुरचुरत होते. आगीची माहिती मिळताच अग्निशमन दलाच्या जवानांनी घटनास्थळी धाव घेत आगीवर नियंत्रण मिळवण्याचे काम सुरू केल्याची माहिती पालिका उपायुक्त उमाकांत गायकवाड यांनी दिली.
डम्पिंग ग्राऊंडवर सतत लागणाऱ्या आगीने धुराचे लोण परिसरात पसरतात. त्यामुळे श्वसनाचे विकार, दुर्गंधी यामुळे अनेकांनी परिसर सोडला आहे. नागरिकांनी येथून मॉर्निंग वॉकही बंद केले आहे. वारंवार आंदोलन करूनही पालिका लक्ष देत नसल्याचा संताप येथील नागरिक व्यक्त करीत आहेत.
ना प्रश्न मिटला, ना वेतन रोखले!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.