खारघर : पनवेल पालिकेच्या विद्यमान महापौर डॉ. कविता चौतमोल यांचा अडीच वर्षांचा कार्यकाळ संपुष्टात आला आहे. पुढील अडीच वर्षांसाठी महिला खुल्या वर्गासाठी राखीव असल्याने नवीन वर्षात महापौर पदाची माळ कोणाच्या गळ्यात पडणार, या चर्चेला उधाण आले आहे. एक लाख मतदारसंख्या असलेल्या आणि पहिल्याच निवडणुकीत भाजपला १२ नगरसेवक देणाऱ्या खारघरमध्ये महापौरपद मिळावे, अशी चर्चा भाजपच्या कार्यकर्त्यामध्ये सुरू आहे.

येथे पदवी विकणे आहे

पनवेल पालिकेची स्थापना झाल्यावर पहिल्याच निवडणुकीत खारघरवासीयांनी भाजपचे सर्वेसर्वा ठाकूर परिवारावर विश्‍वास ठेवत खारघरच्या विकासासाठी १२ नगरसेवक पालिकेत पाठविले. अडीच वर्षांनी होणाऱ्या पालिका निवडणुकीत नगरसेवक संख्या बारावरून पंधरा होण्याची शक्‍यता आहे. खारघरमध्ये भाजपचे वर्चस्व टिकून राहावे आणि पुढील अडीच वर्षे महापौर खुल्या गटातील महिलांसाठी राखीव झाल्यामुळे खारघर शहराला महापौर पदाचे नेतृत्व मिळावे, अशी येथील नागरिकांची मागणी आहे. खारघर वसाहतीमध्ये सध्या लीना गरड, नेत्रा पाटील आणि संजना कदम या तीन महिला खुल्या गटातील नगरसेविका आहेत. 

 या ॲपने टकाले फेसबुकलाही मागे ! 

लीना गरड यांना सामाजिक कार्याचा मोठा अनुभव आहे. खारघर फोरमच्या माध्यमातून त्यांनी राबविलेल्या उपक्रमांमुळे पालिका हद्दीतही त्या परिचित आहे. या शिवाय उच्चशिक्षित असल्यामुळे महापौरपद त्या चांगल्या पद्धतीने सांभाळू शकतात. 
- राकेश सोमाणी, अध्यक्ष, महेश्‍वर समाज, खारघर.

महिला खुल्या गटासाठी महापौरपद राखीव झाले आहे. त्यात खारघरमध्ये खुल्या गटात उच्चशिक्षित महिला नगरसेविका आहेत. त्यामुळे खारघरला महापौरपद मिळावे, असे वाटते. ही संधी चालून आली आहे. शेवटी हा पक्षाचा निर्णय आहे.
- संजय जाधव, पदाधिकारी संघर्ष समिती, खारघर. 

महापौर पदाविषयी पक्ष योग्य निर्णय घेईल. खारघरला महापौर पदाचा मान मिळावा व तो सर्वसाधारण महिला प्रवर्गातील महिलेस मिळावा. डॉ. कविता चौतमोल या एक उच्चशिक्षित महिला असल्यामुळे त्यांनी महापौरपदाची जबाबदारी उत्तमरित्या पार पाडली.
  - नेत्रा पाटील, नगरसेविका.