उरण - केंद्र सरकारने जेएनपीटीच्या मालकीचे एकमेव उरलेल्या जेएनपीसीटी बंदराचे  खासगीकरणा  संदर्भात  आज काळे झेंडे दाखवून  कामगार संघटनांनी खाजगीकरणाला कडाडून विरोध दर्शवून जेएनपिटी भवनासमोर निदर्शने करण्यात आली. यावेळी  प्रकल्पग्रस्तच्या पिकत्या शेतीवर हे पोर्ट वसले आहे त्या शेतीची काळी माती जेएनपिटीचे चेअरमन संजय सेठी यांना भेट केली आहे. 

​मुंबईतील बातम्या वाचण्यासाठी येथे क्लिक करा

जेएनपीटीच्या मालकीचे असलेले जेएपीसीटी हे एकमेव उरलेले बंदर आहे.येथील प्रकल्पग्रस्तच्या कवडी मोलाने जमिनी हस्तांतरीत करून त्यांच्या हे बंदर उभारण्यात आले आहे. येथील प्रकल्प ग्रस्तांचे अनेक प्रश्न प्रलंबित आहेत. प्रश्न प्रलंबित असताना जेएनपिटी प्रशासनाने  पब्लिक, प्रायव्हेट,पार्टनरशिप (पीपीपी) तत्वावर खाजगीकरणाचा घाट घातला आहे.या खाजगीकरण विरोधात कामगार प्रकल्पग्रस्त  एकवटून अनेक वेळा मोर्चे निदर्शने जेएनपीटी प्रशाशन विरोधात करण्यात आली आहेत. 16 डिसेंम्बर ही मावळचे खासदार श्रीरंग बारणे आणि रायगडचे खासदार सुनील तटकरे त्यांच्या मार्गदर्शनाखाली या खाजगिकरना विरोधात मोठे रक्त रणजित आंदोलन उभे राहणार आहे.त्याचीच एक झलक म्हणून आज तिन्ही कामगार संघटना आणि प्रमुख कामगारांनि काळे झेंडे दाखवून कडाडून विरोध या खाजगीकरणाला केला आहे.

खाडीत सापडलेल्या लहानग्यांच्या पालकांचा लागला शोध

वेळीव संतप्त झालेले कामगार प्रतिनिधी  आणि कामगारांनी जोरदार  घोषणाबाजी करत निदर्शने केली.  जमीन आमच्या हक्काची नाही कुणाच्या बापाची जेएपिटी आमच्या हक्काची नाही कुणाच्या बापाची ,खाजगीकरण रद्द झालेच पाहिजे झालेच पाहिजे संजय शेठी हटाव जेएनपीटी बचाव ,अशा प्रकारच्या घोषणाबाजी करण्यात आल्या या कामगारांच्या घोषणाबाजीने जेएनपीटी परिसर दुमदुमले होते.तिन्ही कामगार संघटनेचे प्रतिनिधी जेएनपीटी ट्रस्टी दिनेश पाटील,भूषण पाटील,आणि रवींद्र पाटील हे प्रतिनिधित्व करत होते. यावेळी कामगार प्रतिनिधी ट्रस्टी बोलताना म्हणाले 'जेएनपीटी कोणत्याही प्रकारे तोट्यात नाही आहे.जर असते तर जेएनपिटीने वाधवा पोर्ट .जालना ड्राय पोर्ट बांधले नसते अशा प्रकारे अनेक ठिकाणी करोडो रुपये खर्च जेएनपिटीने केला आहे.आम्ही कामगार काम करण्यास तयार कधीही तयार आहोत  कोविड मध्ये सर्वच बंद असताना जेएनपिटी सुरू होती आमचे कामगार जीवावर उदार होऊन हे काम करत होत.
विशेष म्हणजे खाजगीकरण न करता जेएनपीटी ने  अत्याधुनिक यंत्रसामुग्री बसवीली नविन क्रेन उपलब्ध केल्या  .बंदराची उत्पादन क्षमता ही वाढेल ही क्षमता  वाढविण्यासाठी सर्व कामगार जेएनपीटीला सर्वोतोपरी सहकार्य  करणार आहेत'.अशी भूमिका यांनी मांडली.

workers against privatization of JNPT port at uran

------------------------------------------------------------------

( संपादन - तुषार सोनवणे )