मुंबई : मुंबईत सलग नऊ दिवस शून्य मृत्यूची नोंद (Zero corona deaths) झाल्यानंतर काल एका मृत्यूची भर पडली. त्यानंतर आज पुन्हा एकदा शून्य मृत्यूची नोंद झाली आहे, तर कोरोनाबाधित रुग्णांची संख्या (corona patients) आणखी कमी झाली असून आज केवळ ३८ बाधित रुग्णांची नोंद झाली. कोविड काळातील ही नीचांकी नोंद आहे. दैनंदिन कोविड चाचण्यांची संख्या (corona active patients) ही कमी झाली असून आज दिवसभरात केवळ ८,१९३ कोविड चाचण्या करण्यात आल्या.

आज दिवसभरात ३८ नवे रुग्ण आढळल्याने कोरोनाबाधित रुग्णांची एकूण संख्या १० लाख ५६ हजार ९५६ वर पोहोचली आहे. तसेच आज ७२ रुग्णांनी कोरोनावर मात केल्याने आतापर्यंत १० लाख ३६ हजार ८९७ रुग्ण कोरोनामुक्त झाले आहेत. मुंबईतील रुग्ण दुपटीचा कालावधी ६ हजार ८१५ दिवस झाला आहे.

कोरोनाबाधित रुग्णसंख्या नियंत्रणात येत असून कोरोना वाढीचा साप्ताहिक दरदेखील ०.०१ पर्यंत खाली आला आहे. आज शून्य कोविडबाधित रुग्णाच्या मृत्यूची नोंद झाली असून मृतांचा एकूण आकडा १६ हजार ६९२ वर स्थिर आहे. बरे झालेल्या रुग्णांचा दर ९८ टक्के आहे.