नांदेड : खासदार प्रताप पाटील चिखलीकर यांच्या मार्गदर्शनाखालीलॉकडाउनच्या काळात मागील जवळपास ५५ दिवसांपासून भाजपा महानगराध्यक्ष प्रविण साले व त्यांचा ‘कम्युनिटी किचन’ उपक्रम सुरु आहे. या उपक्रमाच्या ठिकाणी नुकतीच खासदार चिखलीकर यांनी भेट दिली. या ठिकाणी सुरु असलेले काम बघुन त्यांनी समाधान व्यक्त केले तसेच सर्व टिमचे कौतुक केले. यावेळी कम्युनिटी किचनच्या मार्फत बनविण्यात आलेल्या जेवणाचा स्वादही घ्यायला ते विसरले नाहीत.

भाजपा पक्षाच्या सुचनेनुसार महानगराध्यक्ष प्रविण साले यांनी लॉकडाउन जाहीर होताच सुरवातीला नाश्त्याची सोय करण्यात येत होती. परंतु आता कोरोनाविरुद्धच्या लढाईत लढणाऱ्या यौद्ध्यांना जेवन वाटप करण्यात येत आहे. पोलीस कर्मचारी, परिचारीका, तसेच या लढाईत स्वत:च्या जिवाची पर्वा न करता कर्तव्य बजावणार्‍यांना जेवण वाटप करण्यात येत आहे. तसेच रामनवमी, हनुमान जयंती,  भिमजयंती, महात्मा बसवेश्वर जयंती, बुद्ध पोर्णिमाआदी निमित्त वेगवेगळे व्यंजन तयार करण्यात आले.

हेही वाचा -  रस्त्यांवरील फुले देताहेत सकारात्मक जगण्याचे बळ, कसे? ते वाचाच

५५ दिवसापासून ही सेवा 

मागील ५५ दिवसापासून ही सेवा अखंडीतपणे सुरु आहे. ही सेवा अविरतपणे देण्यासाठी भाजपा महानगराध्यक्ष प्रविण साले, माजी नगरसेविका अरुंधती पुरंदरे, मंजिरी पुरंदरे, वैभव  कुलकर्णी, विभावरी कुलकर्णी, शांभवी साले, कार्यवाह कुणाल गजभारे तसेच अ‍ॅड. अमोल मुनेश्वर, बाळ टोम्पे, शुभम चिंतावार, बाळु नरवाडे, विशाल शुक्ला आदीजण परिश्रम घेत आहेत.

खाद्यपदार्थाचा घेतला आस्वाद

या कम्युनिटी किचनला खा. चिखलीकर यांनी भेट दिली. यावेळी त्यांनी कम्युनिटी किचनमार्फत सुरु असलेले काम बघून समाधान व्यक्त केले. तसेच मागील ५५ दिवसापासून कोरोना यौद्ध्यांना अविरतपणे जेवन पुरवित असल्याबद्दल प्रविण साले व त्यांच्या टिमचे कौतुक केले. यावेळी त्यांनी आज कम्युनिटी  किचनमध्ये बनविण्यात आलेल्या खाद्यपदार्थाचा अस्वादही घेतला. यावेळी त्यांच्या समवेत भाजपा पदाधिकारी गंगाधर जोशी, विजय गंभीरे, उभनलाल यादव, संदिप कऱ्हाळे पाटील, सचिन देशपांडे, सुनिल भालेराव, मनोज जाधव आदींची उपस्थिती होती.