नांदेड : महाराष्ट्र (Maharashtra) राज्याचे राज्यपाल आणि वाद नवीन नाही. राज्यपाल भगतसिंह कोश्यारी (Governor Bhagatsingh Koshyari) हे नांदेड, परभणी (Parbhani) व हिंगोली (Hingoli) दौऱ्यावर गुरुवारी (ता.पाच) येत आहेत. येथील स्वामी रामानंद तीर्थ मराठवाडा विद्यापीठाच्या (Swami Ramanand Thirth Marathwada University) परिसरामध्ये त्यांचे दिवसभर कार्यक्रम आहेत. यात पत्रकारांना कुठल्याही प्रकारचे निमंत्रण नाही. त्यामुळे राज्यपालांच्या पहिल्याच दौऱ्यामध्ये विद्यापीठ प्रशासन नापास झाले आहे. राज्यपाल भगतसिंह कोश्यारी हे गुरुवारी सकाळी १० वाजता विमानाने नांदेडच्या (Nanded) विमानतळावर येणार आहेत. त्यानंतर ते तेथून थेट स्वामी रामानंद तीर्थ मराठवाडा विद्यापीठामध्ये आयोजित कार्यक्रमांना उपस्थित राहण्यासाठी रवाना होणार आहे.

विद्यापीठामध्ये राबविलेल्या विविध उपक्रमांच्या पाहणीसोबतच ते वसतिगृहाचेही उद्‍घाटन करणार आहेत. परंतु, या कार्यक्रमासाठी विद्यापीठ प्रशासनाच्या वतीने कुठल्याही प्रकारचे नियोजन कलेले नसून, जिल्हा माहिती कार्यालय अनभिज्ञ आहेत. शिवाय पत्रकारांनाही कुठल्याही प्रकारचे निमंत्रण देण्यात आलेले नाही.