नांदेड : जिल्ह्यात गुरुवारी (ता.चार) ६९ स्वॅबचे अहवाल प्राप्त झाले. त्यापैकी सात संशयितांचे अहवाल पॉझिटिव्ह आले आहेत. त्यामुळे जिल्ह्यातील पॉझिटिव्ह रुग्णसंख्या १८२ झाल्याची माहिती जिल्हा शल्यचिकित्सक डॉ. निळकंठ भोसीकर यांनी दिली. विशेष म्हणजे नव्याने सापडलेल्या पॉझिटिव्ह रुग्णांमधील पाच रुग्ण हे लेबर कॉलनी येथील बाधित कामगार रुग्णाच्या संपर्कातील नातेवाईक असून यातील एक रुग्ण उमरखेड तर, एक रुग्ण औरंगाबाद जिल्ह्यातील रहिवाशी असल्याचे सांगण्यात येत आहे. 

कोरोनाचा वाढता प्रादूर्भाव लक्षात घेता जिल्हा प्रशासनाने नागरिकांना स्वतःची व घरातील इतरांची काळजी घेत सतर्क राहण्याचे आवाहन केले आहे. अत्यावश्यक कामाशिवाय घराबाहेर पडु नका ज्येष्ठ नागरिक, गर्भवती महिला, लहान मुलांना रुग्णालयाशिवाय घराबाहेर न जाण्याचे आवाहनदेखील केले आहे.

हेही वाचा - लाॅकडाउनमध्ये जुळली दुरावलेली नाती, कशी? ते तुम्ही वाचाच

नांदेडकरांना ‘कोरोना’मुक्तची आशा लागली 
जिल्ह्यात केवळ २१ बाधीत रुग्णांवर उपचार सुरु असताना जिल्हा ‘कोरोना’मुक्त होतोय असे वाटत होते. परंतु, मागील दोन दिवसापासून कोरोना रुग्णांची संख्या मोठ्या प्रमाणात वाढत आहे. त्यामुळे जिल्ह्यात पुन्हा कोरोनाचा कहर होणार का? अशी शक्यता निर्माण झाली आहे. 

हेही वाचा - फेऱ्या ४४६१, उत्पन्न ३२ लाख तरीही उदिष्ट २२ टक्केच...

- आज ६९ अहवाल प्राप्त
-  सात पॉझिटिव्ह
-  ४७ निगेटिव्ह
-  चार नाकारलेले नमुने
-  दोन अनिर्णित
- ७० प्रलंबित

आतापर्यंत:
- बाधित व्यक्तींची एकूण संख्या १८२
- १२६ जणांना घरी सोडले
- ४८ जणांवर उपचार सुरू
- आठ बाधितांचा मृत्यू

- संक्रमण वाढतेय..सर्वांनी काळजी घ्यावी.
नागरिकांना आवाहन: 
- स्वतःची व इतरांची काळजी घ्या.
- अत्यावश्यक कामाशिवाय बाहेर निघू नका.
- मास्क वापरा आणि डोकेदेखील दुहेरी आवरणाच्या कापडाने झाकून ठेवा.
- सॅनिटायझरचा वापर करा.
- वारंवार साबणाने हात स्वच्छ धुवा.
- १० वर्षाखालील मुले, ६० वर्षावरील व्यक्ती, गरोदर माता आणि आजारग्रस्त व्यक्तींनी वैद्यकीय उपचाराच्या कारणाशिवाय घराबाहेर पडू नये.
- दोन व्यक्तींमध्ये किमान सहा फुटाचे अंतर राखावे.
- गर्दीच्या ठिकाणी जाऊ नये.
- प्रवास शक्यतो टाळावा.
- प्रतिकारशक्ती वाढवणाऱ्या अन्न, फळे व पेयाचे सेवन करावे.