नांदेड : कोरोना रुग्ण संख्येचा (Corona) आलेख कधी कमी तर कधी जास्त असल्याचे निदर्शनास येत आहे. शनिवारी (ता.२१) प्राप्त झालेल्या एक हजार ४९२ अहवालांपैकी तीन जणांचे अहवाल कोरोना पॉझिटिव्ह (Corona Positive) आले आहेत. जिल्ह्यातील कोरोना बाधितांची एकूण संख्या ९० हजार ७१७ एवढी झाली आहे. यातील ८८ हजार १३ रुग्णांना रुग्णालयातून सुटी देण्यात आली आहे. जिल्ह्यातील (Nanded) कोरोनामुक्तीचे प्रमाण ९७.१ टक्का झाले आहे. आजच्या घडीला ४३ रुग्णांवर उपचार सुरु आहेत. त्यापैकी दोन बाधितांची प्रकृती अतिगंभीर आहे. शनिवारी दिवसभरात एकाही गंभीर रुग्णांचा मृत्यू झाला नाही. त्यामुळे जिल्ह्यातील बाधित मृत रुग्णांची संख्या दोन हजार ६६१ एवढी स्थिर आहे. शनिवारी बाधितांमध्ये देगलूर (Deglur) - एक, किनवट (Kinwat)- एक व अर्धापूर (Ardhapur) - एक असे एकूण तीन जण बाधित आढळले आहेत.

शनिवारी जिल्ह्यातील सहा कोरोना बाधीत रुग्ण बरे झाल्याने त्यांना रुग्णालयातुन सुट्टी देण्यात आली आहे. यात विष्णुपुरी शासकीय रुग्णालयातील - एक व महापालिका अंतर्गत एनआरआय भवन गृह विलगीकरण- पाच अशा एकूण सहा बाधितांचा समावेश आहे. सध्या ४३ कोरोना बाधितांवर उपचार सुरु आहेत.

नांदेड कोरोना मीटर

एकूण बाधित - ९० हजार ७१७

एकूण बरे - ८८ हजार १३

एकूण मृत्यू - दोन हजार ६६१

शनिवारी बाधित - तीन

शनिवारी बरे - सहा

शनिवारी मृत्यू - शून्य

उपचार सुरु - ४३

अतिगंभीर प्रकृती - दोन