मुदखेड (जि.नांदेड) : नांदेड-निजामाबाद दरम्यान असलेल्या शिवनगाव रेल्वेस्थानक दरम्यान निजामाबाद येथून पूर्णाकडे जाणारी मालगाडीच्या चाकांची तांत्रिक बिघाड झाल्याने रेल्वे रुळावरून मालगाडीचे डब्बे घसरले (Nanded Railway Updates) आहेत. यामुळे नांदेड-हैदराबाद रेल्वेमार्ग काही तासासाठी बंद पडला आहे. दक्षिण-मध्य रेल्वे विभागातील शिवनगाव दक्षिण-मध्य रेल्वे विभाग नांदेड (South-Central Railway) ते निजामाबाद आणि मुदखेड रेल्वे जंक्शनपासून (Mudkhed) सुमारे ५ ते ६ किलोमीटर अंतरावर आहे. आज गुरुवारी (ता.२३) सकाळी ६:५५ वाजताच्या सुमारास रेल्वेस्थानकावर निजामाबादहून पूर्णाकडे जाणाऱ्या मालगाडीच्या वॅगनची चाके तांत्रिक अपघातामुळे थांबली व रुळावरुन घसरली होती.

सदरील घटनेची माहिती रेल्वे प्रशासनाला मिळताच घटनास्थळावर रेल्वेच्या तांत्रिक विभागाचे अभियंते व कर्मचारी घटनास्थळावर आले असुन युद्धपातळीवर दुरुस्तीचे काम चालु आहे. लवकरच दुरुस्ती होऊन रेल्वेमार्ग मोकळा होऊन दैनंदिन रेल्वे गाड्यांची वाहतुक करण्यासाठी रेल्वे मार्ग चालु होणार असल्याचे रेल्वे प्रशासनाकडून सांगण्यात येत आहे.