शिवणी (नांदेड) : पावसाचा पहिला नक्षत्र समजल्या जाणाऱ्या रोहिणी नक्षत्राला मंगळवारपासून सुरुवात झाली. शिवणी परिसरात शनिवारी (ता. 29) रोजी पाच वाजेच्या सुमारास विजेच्या कडकडाटासह वादळी वाऱ्यासह रोहीणी बरसल्या. दिवसभर कडक उन्हानंतर सायंकाळी अचानक ढगाची गर्दी होऊन वादळी वारे (Stormy winds) व मुसळधार पाऊस (Rain) सुरु झाला होता. (heavy rains lashed shivani on saturday)

या पावसामुळे शेतकऱ्याने आपल्या शेतात कामे करण्यासाठी शेतातील नागरटी केलेल्या मातीची ढेकळे या पावसामुळे भिजली. पेरणीपूर्व कामांना गती मिळेल. या आठवड्यात शिवणी व परिसरात दोन वेळा पाऊस झाल्याने हिरवे गवत वर येत आहे. त्यामुळे जनावरांना चारा मिळत नसल्याने गुरे रानोरान फिरत होती. या झालेल्या पावसामुळे पालव्या फुटत असल्याने त्यामुळे थोडा का होईना जनावरांच्या चार्‍याची सोय होईल आणि जनावरांना चारा मिळेल. अशी आशा होती. शिवणी येथील संतोष शिसे यांच्या घरावरील टिन पत्रे वादळी वा-याने उडल्याने संसार उपयोगी साहीत्याचे नुकसान झाले, सुदैवाने कोणीही जखमी झाले नाही. (heavy rains lashed shivani on saturday)